كرسي الاعتراف....اجرووووووووووا لا يفوتكم

سلامو عليكم شباب الاسلام


اليوم حاجة جديدة ....اكسترا نوفو....جبتلكم لعبة جديدة

الاسم -----------> كرسي الاعتراف

و الآن يبدأ التصويت ....ولي بغا يرشح روحو ......مرحبا بيكم

السلام عليكم فكرة رائعة
و يشرفني ان اكون اول المترشحين

مليح ........بصح وجد روحك للأسئلة........القصف العشوائي

ان شاء الله ربي يوفقني

أميرة الأزهار كتب:

مليح ........بصح وجد روحك للأسئلة........القصف العشوائي

مازال ما شت حتى اسئلة او قصف راني نستنا
كرسي الاعتراف يقدم خدمات متأخرة جد لا انصحكم به
ههههههههههههههههههههههههههههههههههه

ممكن نعرفوا أصول اللعب

السلام عليكم
من الافضل تبداو القصف اليوم و الافضل تاع الافضل تبداو نم الان
لاقيباش انا بديت نتقلق شيوة

أنا المترشح الثاني
- الضحية له الحق في أن لا يجيب على بعض الأسئلة
مع هذا الشرط لا يصبح لكرسي الإعتراف أي معنى

ايمن ما تتقلقش غيرا صوتو عليك باه ...ديجا راه ترشح الأخ عدنان...

اما عن قولك أنو مايكونش لكرسي الاعتراف معنى بوجود ذاك الشرط....يا أخي أنا حطيتو اذا كان هناك سؤال شخصي أو مؤلم...الخ ...ماشي أي سؤال يهر منو..وصلت الفكرة؟؟

بصح اذا كاين اسئلة شخصية ما يقدرش الضحية يجاوب عليها كيفاه يدير

كيفاه يدير....ما يجاوش ...لأنو عندو الحق في ذلك

راني عارف راكم باغيين اتعيدو عليا غدوة
ديرو رايكم و انا اندير رايي

نحن مستعدان في أي وقت
فمرحبا بأسئلتك

السلام عليكم
صراحة انا انسحب من كرسي الاعتراف
و الان صار عدنان المترشح الوحيد و انا اصوت له

liyah tansahab
a3la a7sabha rak khayaf
makan walo

matansahabche

أصلا ما عندكش الحق في الانسحاب يا الأخ أيمن....مادام فت ترشحت لازم حتى يتم التصويت باه....و الا تفاهمك انت و عدنان شكون يبقى في كرسي الاعتراف...و شكراا

أوجوكم احسمو امكم بينكما و خلوني نبدا القصف...راني متحمسة

abday ab ayman howa rah mathamas bazaf lal fikra

انا انسحبت و قلتلك انصوت لعدنان
يعني عدنان هو اللي يتصدر الكرسي
و انا اصلا كنت متحمس جدا في الاول بصح دك خلاص ما عندي حتى حاجة بيه
لالا عدنان ماني خايف ما والو نقضتلي النية و اخلاص

ma3lih ta9adri tabday ya amirat al azhar

هبلتوني...........المهم أنا نبدا مع عدنان و في الحلقة القادمة أيمن ان شاء الله

بسم الله نبداو:
1- اسمك.. لقبك.. شا تخدم.. وزنك ..لون عينيك.. لون شعرك ..الحالة الاجتماعية
2-أعز أصدقائك
3- أجمل حاجة في حياتك
4- شا تبغي تقرا..تاكل...تلبس
5-لياه ترشحت لكرسي الاعتراف
6-ما تقول في منتدى شباب الاسلام
7- أكثر عضو تحبه في المنتدى و لماذا
8- اذا غرق المنتدى و عندك زورق تقدر تسلك 3 فروع برك شا تخير و لماذا
9-ما هو لونك المفضل
10-لديك 3 وردات لمن تهديها و لماذا

غازي عدنان
طالب في الثانوية أساعد أبي في عمله أيام العطل
لون عيني بني ولون شعري أسود
الحالة الإجتماعية:أعزب
أعز أصدقائي :صراحة هو سفيان ثم يأتي الباقون
أجمل حاجة في حياتي:أمــــــــــــــــي وأبــــي
نبغي نقرا مختلف المواضيع الموجودة في المنتديات نكذب أعليك إلى قتلك مر شديت كتاب وقريتوأما عن الأكل احب المخلع
الجواب بكل بساطة الفكرة أعجبتني
منتدى شباب الاسلام منتدى غي بالمعلومات المفيدة به أعضاء ماشاء الله لكنهم نائمون في هذه الأيام
أكثر عضو أحبه في المنتدى:هو أيمن كاكاشي لأنه صديقي
اذا غرق المنتدى و عندي زورق ونقدر نسلك 3 فروع برك أنخير:الفرع الأول المنتدي الإسلامي لأنه يضم العديد من المواضيع المتعلقة بديننا الحنيف والفرع الثاني المنتدى العام لحتوائه على مواضيع تثقيفية ومعلومات مفيدة أما الفرع الثالث منتدي نصرة الحبيب لأن مواضيعه تتعلق بأعظم رجل في هذه الحياة محمد صلى الله عليه وسلم و معرفة سيرته من واجباتنا لكي نقتدي به
لوني المفضل الأحمر يدل على التضحية و العطاء وهو رمز المحبة
الأولى لأمي الثانية لأختي و الثلثة للي تستهلها

السلام عليكم الآن انتهى دور عدنان
آن الاوان لكاتب الموضوع ان يكون الضحية
و بالطبع هي أميرة الأزهار
فل تتفصل مشكورة